- A actuación será ás 20:00 horas e a entrada terá un prezo dun euro
O Salón de Actos do Voluntariado acollerá este sábado «Tabú», a representación con música en vivo de Tarabela Creativa. A actuación será ás 20:00 horas e contará con estritas medidas de seguridade e hixiene.
A obra, de Carmen Conde baixo a batuta de Su Garrido Pombo, é froito das conversas recollidas con mulleres de entre 70 e 95 anos en Valmios, o Morrazo, o Courel, A Mariña Lucense, a Costa da Morte e o Couto Mixto sobre a súa vida erótica e sexual durante a xuventude.
Unha obra de narración oral coa misión de transmitir historias de confusión, secretismo, amor, picaresca e sexualidade das mulleres.
O espectáculo está pensado para un público maior de 16 anos, e a entrada terá un custo dun euro.