Tanxugueiras propón unha iniciativa para levar mellor o confinamento na casa: este sábado 28 o grupo de pandereteiras iniciará unha serie de conversas virtuais con artistas e axentes do sector cultural á fin de abordar unha situación excepcional dun xeito distendido e próximo.
Nestas conversas participarán Sabela Ramil, Rodrigo Cuevas, Carlos Blanco, Teresa Cuíñas, Xosé Ramón Gayoso, Xosé A. Touriñán ou Pepe Cunha, entre outros nomes. A cita diaria será ás 13.00 horas, ao longo de quince días, na canle de Youtube de Tanxugueiras (www.youtube.com/tanxugueiras).
«As
e os artistas temos tamén unha responsabilidade social e podemos
aproveitar a nosa visibilidade para reforzar os vínculos de comunidade
nun momento tan especial», sinalan Olaia Maneiro, Aida Tarrío e Sabela
Maneiro. O trío anunciará cada xornada nas súas redes, ás 20.00 horas, o
nome da convidada do día seguinte.