Trátase dunha estratexia como parte do plan de dixitalización e transformación da rede da compañía para ofrecer a mellor conectividade, e en paralelo ao intenso despregamento de fibra óptica que se está levando a cabo en toda Galicia. A previsión é que a final de ano a cifra de instalacións con tecnoloxía de cobre apagadas alcance as 35.
A medida afectou ata o momento a un total de 47 centrais de cobre das 733 existentes en Galicia, ás que se sumarán outras 36 ao longo deste ano. No que respecta ao conxunto de España, a compañía superou o fito de 1.000 centrais de cobre clausuradas neste período.
Nos últimos cinco anos, Telefónica investiu 420 millóns de euros para situar a Galicia á vangarda das infraestruturas de telecomunicacións de última xeración. Así, na provincia da Coruña, máis do 64% da poboación xa dispón de cobertura de FTTH, unha porcentaxe que supera o 50% no conxunto de Galicia, onde o 98,5% da poboación dispón de cobertura 4 G, superando a media nacional, e un 78,1% de 5 G.