O secretario xeral dos populares galegos, Miguel Tellado, manifestou que, se hoxe houbera eleccións ao Parlamento de Galicia e ao Congreso dos Deputados, o PP sería primeira forza política e podería formar Goberno. No caso de Galicia, salientou que sería cunha maioría absoluta clara, polo que agradeceu aos cidadáns seguir confiando no proxecto que representa o seu partido e Alberto Núñez Feijóo.
Igualmente, incidiu en que as enquisas reflicten tres cousas: primeiro, que o PPdeG, que tivo que afrontar a xestión da pandemia sanitaria, económica e social, mantén o respaldo da cidadanía na Comunidade; segundo, din que “os que non cren no noso proxecto están a buscar alternativas extraparlamentarias en Podemos porque BNG e PSOE non ofrecen garantías aos votantes de esquerdas”; e terceiro, evidencian que o Partido Socialista baixa en Galicia – segundo as enquisas autonómicas- e que o BNG baixa cara ás Eleccións Xerais -como amosan as sondaxes nacionais-.