As tropas rusas realizan manobras a menos de 50 quilómetros da fronteira con Ucraína. A tensión segue aumentando e a Rada Suprema, o parlamento ucraíno, votou a favor dun proxecto de lei para permitir a entrada ao país de nove exércitos estranxeiros en 2022. O viceministro de Exteriores Serguéi Riabkov reunirase coa subsecretaria de Estado de EEUU para Asuntos Europeos e Euroasiáticos, Karen Donfried para expoñer as ideas concretas sobre as garantías de seguridade que Rusia demanda para evitar que a OTAN se achegue ás súas fronteiras. Segundo o ministerio de Defensa de Ucraína, preto de 1.000 efectivos rusos realizan exercicios nas proximidades do seu país. E aínda que os socios europeos mostran precaución antes de tomar ningunha medida, o Alto Representante da UE para política exterior, Josep Borrell advertiu a Rusia do alto custo que lle supoñería calquera agresión á veciña Ucraína.