Polo menos once persoas morreron e seis están feridas de gravidade tras dous tiroteos preto duns bares frecuentados por musulmáns na cidade alemá de Hanau, non lonxe de Frankfurt. Os atacantes déronse á fuga. O primeiro ataque sucedeu sobre o 20.00 GMT nun «shisha bar», un local oriental de fumadores de pipa, no centro da cidade, e segundo medios locais os disparos fixéronse desde un automóbil.
Supostamente o mesmo vehículo dirixiuse logo a outro establecemento similar doutro barrio de Hanau, onde así mesmo houbo un segundo tiroteo. Segundo a canle de televisión N- Tv, o agresor ou agresores déronse á fuga, mentres que nas inmediacións dos locais despregouse un forte cordón policial.
Hanau, cuns 100.000 habitantes, atópase a 20 quilómetros ao leste de Frankfurt, no « Land» de Hesse.