Oito persoas morreron e máis dunha decena resultaron feridas tras o ataque cun arma de fogo por parte un estudante do campus. Tras disparar contra os seus compañeiros, o atacante, que ía ataviado complemetamente de negro e cun casco, foi finalmente ferido pola policía e detido.
No momento do tiroteo había máis de 3.000 persoas na universidade desa cidade dos Urales, a uns 1.500 quilómetros ao leste de Moscova. As informacións sobre o ocorrido foron variando con respecto sobre todo ao número de feridos, e os servizos de sanidade da rexión advirten de que algúns destes sofren «lesións graves» por mor dos disparos, polo que non se descarta que o número final de vítimas mortais sexa maior.
Moitos lograron fuxir do centro saltando polas xanelas. A investigación determinará os motivos do tirador, sobre o que de momento non se sabe se contaba con cómplices para este ataque.