Un ano máis o CEIP Fogar de Carballo será a sede dun dos campamentos urbáns referencia na comarca de Bergantiños. Máis de 200 nenos e nenas desfrutan cada verán do campamento no que se combinan actividades deportivas, culturais e lúdicas á vez que seguen evolucionando na súa educación a través de valores como a solidariedade e o compañeirismo.
Nesta edición de 2021 incluiranse novidades relacionadas co coidado do medio ambiente e os hábitos de vida saudable. Entre outras, haberá actividades como: orientación e sendeirismo, obradoiros de reciclaxe, xornadas de linguaxe de signos, horto ecolóxico, actividades na natureza…
Co deporte como actividade principal e ferramenta educadora, estes campamentos seguirán sendo a alternativa ideal para favorecer a conciliación familiar nas vacacións estivais á vez que aproveitan os cativos para socializarse e desfrutar de moitas aventuras.
