Un rastro de danos a comercios e ao mobiliario urbano, 33 detidos en Madrid, 13 en Logroño, 16 identificados en León. É o balance que deixan os disturbios contra as medidas aprobadas para conter a pandemia. Aínda que algúns partidos sosteñen que detrás hai algo máis.
Para Isa Serra, voceira de Podemos, son «convocatorias que están alentadas desde a extrema dereita de Vox desde as institucións e as redes sociais.
O PP condenou os ataques e pediulle ao Goberno que informe das investigacións sobre os instigadores. Ana Pastor, vicesecretaria de Política Social do PP, dixo que «estes actos vandálicos son execrables e lamentables.
Os socialistas expresaron o seu apoio ás forzas de seguridade e lamentaron os incidentes.
O ministro de Sanidade, Salvador Illa atribuíu á fatiga pandémica a proliferación das actitudes violentas que en todo caso son minoritarias.