José Tomé renunciou este martes, nun pleno extraordinario celebrado no Pazo de San Marcos, á presidencia da Deputación de Lugo tras as denuncias de acoso sexual presentadas na canle interna do Partido Socialista. Agora, pasou a ser concelleiro non adscrito, polo que non deixará a súa acta de deputado. Tomé aproveitou para reivindicar a súa inocencia, e asegurou que «quen nada fixo nada ten que temer», insistindo en que a «presunta denuncia é falsa»: «Non pararei ata descubrir que é o que hai detrás», afirmou. Agregou que as acusacións contra el obedecen «a cuestións políticas supramunicipais», onde «nin era o único nin era o principal obxectivo». Tomé non entregou a acta, como lle reclama o seu partido, polo que o seu voto será determinante na elección do seu substituto; e ademáis segue como alcalde de Monforte (Lugo) como non adscrito. A portavoz socialista, Pilar García Porto, volveu a insistir en que os socialistas fixeron «todo canto estaba» nas súas mans «desde o primeiro momento».
11