42
Os traballadores de Alcoa da Coruña e San Cibrao, Celsa Atlantic e Ferroatlántica de Sabón e Dumbría mobilizáronse este sábado para esixirlle ao goberno central que impulse un marco estable que garanta un prezo da enerxía competitivo. Din que só reclaman o que xa teñen outros países de Europa.
Á espera dun estatuto para a industria electrointesiva que debía estar aprobado en abril e que o sector agardaba para que as súas empresas puidesen ter viabilidade a longo prazo, os traballadores esta mañá saíron á rúa na Coruña.
Na protesta participaron representantes políticos do PP, Ciudadanos, Galicia en Común, En Marea e o BNG que lle pediron a Pedro Sánchez que defenda a industria do país.