34
A Consellería de Infraestruturas e Mobilidade vén de iniciar as obras de reforzo de firme nas estradas AC-523. A actuación ten como obxectivo a rehabilitación integral do firme desta estrada autonómica. Os traballos levaranse a cabo nos treitos que transcorren polos concellos da Laracha e de Cerceda. A intervención, enmarcada no Plan de reforzos de firme impulsado polo departamento que dirixe Ethel Vázquez, consiste na rehabilitación da capa de rodadura nos treitos das estradas que presentan maior deterioración, coa fin de reforzar a seguridade viaria e a comodidade dos usuarios na condución, así como contribuír á durabilidade do bo estado do firme.