Ata o próximo 13 de setembro, a Dirección Xeral de Tráfico levará a cabo unha nova campaña específica de vixilancia que, nesta ocasión, centrarase nas distraccións na condución. A campaña enmárcase na Operation Focus on the Road que desenvolve a nivel europeo a asociación RoadPol (European Roads Policing Network). Este tipo de campañas son imprescindibles para alertar dos riscos que implica a condución distraída ou desatenta debido a que esta estivo presente no 32% de todos os accidentes con vítimas mortais rexistrados no ano 2021. Por este motivo, os axentes da Agrupación de Tráfico vixiarán as vías interurbanas e, todas aquelas policías municipais que se somen á campaña, farano no ámbito urbano. A esta vixilancia a pé de estrada hai que engadir os medios automatizados dos que dispón a DXT con 216 cámaras instaladas nas estradas, a través das cales se pode constatar, entre outras cousas, se o condutor fai uso do móbil mentres conduce.
44