Trasladadas tres persoas tras un incendio na súa vivenda en Coristanco

1 minutes read

Tres persoas tiveron que ser evacuadas tras un incendio na súa vivenda no lugar de San Xusto, causado polo mal funcionamento dun lavalouzas.

A chamada dunha persoa particular ao redor das 3:30 horas da madrugada de hoxe alertou aos xestores do 112 Galicia acerca do ocorrido. Segundo o seu relato, vía saír lume dende a casa unifamiliar e o fume producido impedía a que os moradores puidesen abandonar a vivenda.

De inmediato, desde o Centro Integrado de Atención ás Emerxencias (CIAE) 112 Galicia, pasouse aviso aos servizos sanitarios, aos Bombeiros de Bergantiños e de Arteixo, ao GES de Ponteceso, á Garda Civil e aos voluntarios de Protección Civil da localidade.

Unha vez sufocado o lume, os membros do Servizo de Prevención, Extinción de Incendios e Salvamento informaron que ardeu o lavalouzas. Un dos habitantes da casa puido saír por unha das ventás, pero foi preciso a intervención dos Bombeiros para o desaloxo das outras tres persoas que se encontraban dentro do inmóbel no momento do incendio.

En total, dúas mulleres foron trasladadas ao centro hospitalario de referencia por inhalación de fume e un rapaz tivo que ser evacuado a causa de cortes causados polos cristais rotos dunha porta.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?