Un home de 64 anos, foi trasladado nun helicóptero medicalizado este sábado despois de caer da bicicleta que manexaba no lugar de Merexo, en Muxía, nun tramo do Camiño de Santiago.
O 112 Galicia tivo coñecemento dos feitos a través dunha persoa particular e, enseguida, púxose a situación en coñecemento de Urxencias Sanitarias de Galicia-061, que mobilizou ata unha zona próxima un equipo médico a bordo da aeronave.
Suponse que esta persoa, natural de Huelva, estaba a realizar o tramo do Camiño de Fisterra a Muxía. O rápido aviso da incidencia por parte duns compañeiros puido haber sido vital para que este home fose evacuado con vida do lugar.
Ademais, desde o CIAE 112 Galicia solicitouse a intervención da Garda Civil e dos membros da Agrupación de Voluntarios de Protección Civil da localidade, que prestaron apoio aos efectivos sanitarios do helicóptero medicalizado.