Os técnicos de estradas está a realizar unha campaña de sondeos xeotécnicos na zona do afundimento da estrada LU-651, na súa chegada a Folgoso de Courel, para definir as obras necesarias para restituír a vía. O obxectivo destes traballos é coñecer e profundidade o estado e o comportamento do terreo co fin de poder avaliar a viabilidade das distintas alternativas para o restablecemento da conexión viaria. No marco destas intervencións, tamén se realizou estes días un levantamento topográfico coa axuda e a utilización de drons.
Unha vez obtida esta información, agárdase que nas vindeiras semanas se poida determinar a alternativa elixida e un calendario de realización das obras, sendo a seguridade e a axilidade na execución dos traballos os factores máis importantes que se deben considerar. Esta vía de acceso ao Courel desde Quiroga permanece cortada ao tráfico como consecuencia do desprendemento rexistrado á altura do quilómetro 18 da estrada LU-651, entre Santa Eufemia e Folgoso, o pasado 20 de marzo.