41
A Garda Civil rastrexou cun can de rescate a zona de acantilados próxima ao areal de Bastiagueiro e revisou de novo os arredores do domicilio familiar, situado nun monte. Ao operativo sumáronse a Policía Local e varios efectivos do Servizo Municipal de Emerxencias, que revisaron o treito dun río que baixa soterrado ata o areal. A familia do desaparecido deu a voz de alarma contra o mediodía deste sábado, ao comprobar que o home marchara da casa sen chaves e sen teléfono. O ancián ten problemas de mobilidade. Cabe destacar tamén que técnicos do Grupo de Apoio Loxístico da Axencia Galega de Emerxencias (AXEGA) trasladaron ata Oleiros o equipo de drons para participar tamén na busca.