A Policía Nacional detivo en Tui a tres persoas pola pelexa que rematou este domingo cun ferido de bala en estado crítico no concello de Ribeira. Dous foron arrestados por tentativa de homicidio e outro por encubrimento. Segundo fontes do caso, o suceso produciuse de madrugada, cando dous grupos, un integrado por persoas de nacionalidade dominicana e outro de orixe magrebí, comezaron unha liorta por motivos que non transcenderon. O conflito comezou na zona do Malecón e despois continuou en varios puntos do centro de Ribeira. A investigación continúa aberta, polo que non se descartan máis actuacións. A vítima, un mozo de orixe magrebí de 27 anos, recibiu dous disparos e dúas puñaladas e nun primeiro momento foi trasladado ao hospital do Barbanza. Tras ser derivado ao complexo hospitalario universitario de Santiago de Compostela, continúa ingresado en estado grave.
0