45
Polo menos 79 migrantes perderon a vida este mércores tras afundirse un pesqueiro con centos de persoas a bordo no Mar Xónico, fronte á costa grega, confirmou unha voceira da Garda Costeira, quen advertiu que «probablemente aumentará aínda máis o número de falecidos». Ademais, seis persoas foron detidas polas autoridades por ser sospeitosos de participar no tráfico de migrantes. O primeiro ministro interino de Grecia, Ioannis Sarmás, declarou tres días de loito nacional polas vítimas. Segundo un comunicado oficial, o loito nacional, que durará ata o vindeiro sábado, declárase «co pensamento en todas as vítimas dos desapiadados traficantes que se aproveitan da desesperación humana».