O 112 Galicia rexistrou este venres dous accidentes de tráfico en Santiago que se saldaron cun total de tres persoas feridas.
O primeiro ocorreu ás 15:00 horas na Avenida de Lugo, onde colidiron un autobús urbano e un turismo. Como consecuencia do impacto, resultaron feridas dúas persoas, que foron trasladadas ao Hospital da Rosaleda.
Dúas horas despois, un motorista sufriu unha caída na SC-20, ao paso pola parroquia compostelana de San Lázaro. As lesións provocadas pola caída obrigaron a trasladar ao ferido ao Complexo Hospitalario Universitario de Santiago (CHUS) nunha ambulancia de Urxencias Sanitarias de Galicia-061.