Tres persoas resultaron feridas este luns pola tarde durante un ataque cun coitelo no interior dunha estación de metro de Bruxelas, situada xusto debaixo da sede da Comisión Europea. Dúas persoas foron trasladadas ao hospital, unha delas está en estado crítico segundo informou a fiscalía. Por outra banda unha muller, ao parecer ferida leve, recibiu unha manta e atención no lugar. O agresor, que tería uns 30 anos, foi detido pola policía belga. A fiscalía descarta que o ataque teña motivacións terroristas. Unha testemuña asegurou que a agresión tivo lugar no interior dun vagón de metro cando o agresor apuñalou a unha muller cun coitelo e pediu aos pasaxeiros que saísen. Coches de policía e ambulancias rodearon a zona, que se cortou ao tráfico, mentres que a estación de metro de Schuman se pechou ao público, segundo confirmou STIB-MIVB, a empresa de transporte público da cidade.
0