Tres menores excarcerados nun accidente entre un camión e un turismo en Lourenzá

Emergencias 112

Sete persoas resultaron feridas, entre elas tres menores que tiveron que ser excarceradas polos Bombeiros de Barreiros, despois de que un camión batera contra un turismo parado na beiravía da A-8 en Lourenzá.

O accidente produciuse sobre as 15:00 horas no punto quilométrico 532 da autovía, en sentido a Begonte, e foi un particular quen alertaba ao 112 Galicia do suceso.

Desde Emerxencias pasouse o aviso a Urxencias Sanitarias de Galicia-061, aos Bombeiros de Barreiros, ao GES da Pontenova, á Garda Civil de Tráfico e á Agrupación de Voluntarios de Protección Civil de Lourenzá.