Este domingo cinco atletas da A.D. Fogar de Carballo tomaron parte nun dos controis federativos de marcas en pista curta que veñen celebrándose na Expourense neste último mes do ano. No mesmo, Iria Barreiro Matos foi 6ª clasificada absoluta na proba dos 400 m.l. batendo as mellores marcas sub 16 e absoluta do club cun tempo de 1:01.27. Nesta mesma proba, a dos 400 m.l., Ana Ézara Andrade foi 15ª absoluta batendo o mellor rexistro dos 15 anos do club cunha marca de 1:06.57, Maria Liu Brandon Bello rematou 22ª e Sara García Fuentes 25ª. O único representante masculino neste día foi Pedro Mesejo Martínez, 16º absoluto nos 60 m.l. correndo en 7.37, a súa mellor marca deste ano 2025.