O presidente de Estados Unidos, Donald Trump, anunciou este venres un cesamento do fogo de tres días entre Rusia e Ucraína, previsto para os días 9, 10 e 11 de maio, coincidindo coa celebración do Día da Vitoria. Tanto Vladimir Putin como Volodímir Zelenski deron o seu visto e prace á proposta.
A través das súas redes sociais, Trump sinalou que a tregua contemplará a paralización de todas as operacións militases, ademais dun intercambio de 1.000 prisioneiros por cada bando. «Fixen esta petición persoalmente e agradezo profundamente a disposición do presidente Vladimir Putin e do presidente Volodímir Zelenski para aceptala», afirmou.
O líder republicano asegurou que espera que esta medida marque «o comezo do fin dunha guerra longa, sanguenta e extremadamente dura», á que cualificou como o maior conflito desde a Segunda Guerra Mundial. O acordo alcanzado tamén inclúe o troco de prisioneiros entre ambos os países