O tempo que pasou desde que Donald Trump abandonou a presidencia non foi desde logo de reflexión. No seu primeiro discurso desde entón, o magnate insistiu en temas recorrentes, como a inmigración, a delincuencia ou o dereito a ter armas. E tamén en que que houbo unha fraude que ningún organismo oficial contempla nas eleccións de novembro. “Gañamos as eleccións dúas veces. E é posible gañalas unha terceira vez, é posible”. No seu discurso de 90 minutos acusou ao presidente Joe Biden de estar a destruír a nación. Pero se para algo serviu esta irrupción de Trump, expulsado de redes sociais e pendente de varias causas, é para certificar que quere seguir mantendo poder. E, por suposto, que a súa candidatura para 2024 non é en absoluto descartable.
18