Dixo que Al Bagdadi tratou de fuxir con tres dos seus fillos por un túnel e que ao verse acurralado fixo estoupar o chaleco explosivo que levaba, morrendo el e os tres pequenos. O presidente dos Estados Unidos indicou que no ataque, aéreo e terrestre, ademais de Al Bagdadi caeron numerosos xihadistas pero que non houbo baixas entre os comandos estadounidenses. Trump subliñou que os seus homes actuaron sos pero que a operación non sería posible sen a axuda doutros países. Bagdadi, o líder do grupo xihadista máis perigoso da última década era o terrorista máis buscado desde a morte de Osama Bin Laden. Amparou a asasinato de miles de civís por motivos relixiosos, impuxo nos seus dominios un réxime teocrático con usos medievais e proclamou un califato para exportar a súa guerra por todo o mundo.
40