- Anuncia o fin do Acordo Flores que protexe aos migrantes menores de idade.
Este Acordo, vixente desde hai máis de dúas décadas, impide que os menores de idade permanezan detidos máis de 20 días e establece protección en cuestións como vivenda, atención médica, educación, nutrición e hixiene.
Trump busca así frear a migración de familias e asegura que seguirá traballando por un mellor sistema de inmigración. Esta medida, que entrará en vigor dentro de dous meses, foi criticada por numerosas organizacións proinmigración e os demócratas. Segundo o secretario do Departamento de Seguridade Nacional en funcións, Kevin McAleenan, elimínase así «o incentivo que alenta aos traficantes para explotar nenos». O pasado maio alcanzouse o récord de 133.000 detencións de inmigrantes indocumentados na fronteira con México, das que preto de 85.000 correspondían a unidades familiares.