O presidente estadounidense, Donald Trump, anunciou este venres que decidiu «romper» a relación do seu país coa Organización Mundial da Saúde (OMS), á que acusa de xestionar mal a emerxencia sanitaria do Covid-19, ao crer en exceso as informacións achegadas por China. «Debido a que non lograron realizar as solicitadas e moi necesarias reformas, terminamos a nosa relación coa Organización Mundial da Saúde e redirixiremos eses fondos a outros en todo o mundo merecedores, con necesidades urxentes de saúde pública mundial», sinalou o presidente estadounidense.