Turquía anunciou este sábado que abandona a Convención de Istambul, un tratado paneuropeo que asinaron 45 países hai unha década co propósito de previr a violencia de xénero. O decreto de saída publicouse no boletín oficial do Estado e nel plasmou a súa firma o mesmo home que aprobou a convención sendo primeiro ministro no ano 2011: o actual presidente, o islamita conservador Recep Tayyip Erdogan. As reaccións non se fixeron esperar. A secretaria xeral do Consello de Europa, Marija Pejcinovic, cualificou a noticia de «devastadora» e de «enorme retroceso» na loita contra a violencia de xénero en Turquía. O Goberno turco cedeu á presión de grupos islamitas conservadores, que levaban anos denunciando que algúns artigos da convención eran negativos para «a estrutura familiar» e eran contrarios aos «valores nacionais». Erdogan xa anunciou o pasado mes de agosto que o seu país retiraríase do acordo «se a xente o desexa» e afirmou que pensaba crear un tratado propio adaptado á realidade do país.
32