36
- O Goberno pretende evitar as aglomeracións en cidades como Istambul ou Esmirna, principais focos do virus
Turquía prohibiu saír á rúa en máis de 30 provincias do país, entre elas Ankara e Istambul, a excepción de determinados traballadores de servizos indispensabes. O confinamento obrigatorio entrou en vigor na medianoite deste venres e concluirá este domingo ás 12 da noite.
Segundo o portal de noticias Euronews, ata o de agora estaban obrigados a permanecer nos seus domicilios os menores de 20 anos e os maiores de 65, pero o confinamento total foi necesario para evitar grandes aglomeracións en cidades como Istambul ou Esmirna, principais focos do virus.
O COVID-19 xa se cobrou a vida de máis de 1000 persoas e polo momento hai 47.000 contaxiados.