En Nova Kajovka, cidade controlada polas tropas rusas no sur ucraíno, os veciños tentan reemprender o día a día entre as vivendas danadas polos ataques do Exército de Ucraína en pleno contraataque para tentar recuperar terreo. Imaxes difundidas polo exército ucraíno, mostrarían o ataque a un depósito de municións ruso na madrugada do luns. Segundo Kiev, morreron decenas de soldados rusos. As autoridades prorrusas afirman que non había ningún obxectivo militar e falan de catro civís mortos. Non moi lonxe de alí, as bombas caeron entre civís en barrios periféricos. Dezanove mísiles rusos alcanzaron varios edificios de vivendas na cidade de Mykolaiv, rusófila antes da invasión e agora centro de resistencia cidadá. Doce persoas resultaron feridas. De entre os entullos dun edificio de vivendas de Chasiv, en Donetsk, bombardeado polos rusos o sábado, os servizos de rescate ucraínos xa recuperaron ata o momento 41 cadáveres . O vicepresidente da Comisión Europea, ValdisDombrovskis, anunciou a aprobación dun préstamo de emerxencia da UE a Ucraína para cubrir as súas necesidades financeiras a curto prazo.
37