40
Toda a liña de fronte de Donetsk está a ser sometida a un «bombardeo incesante» por parte de Rusia. Segundo o gobernador da rexión oriental, o lume é continuo sobre as localidades de Bajmut, Sloviansk e Kramatorsk, cun balance de vítimas de polo menos seis mortos e numerosos feridos nas últimas 24 horas. Namentres, centos de civís foxen cada día de Donetsk en trens de evacuación. Aínda así calcúlase que seguen na rexión unhas 350.000 persoas. Máis de seis millóns de ucraínos son desprazados internos, segundo a ONU. A isto súmanse máis de cinco millóns e medio de refuxiados noutros países europeos. Estados Unidos prometeu a Ucraína máis axuda militar, incluídos potentes lanzacohetes e obuses de precisión.