Segundo o Instituto para o Estudo da Guerra, a actividade en toda Ucraína ofrece indicadores de que as operacións de contraofensiva ucraínas están en marcha en todo o campo de batalla. O think tank contempla que desde a administración ucraína sinalaron desde hai tempo que non haberá un anuncio de que a contraofensiva comezou e que esta non se desenvolverá probablemente como unha única gran operación. É probable que consista en moitas operacións en numerosos lugares, de tamaño e intensidade variables, ao longo de moitas semanas. O ISW engade que as operacións iniciais de contraofensiva poden ser as máis difíciles e lentas, xa que implican penetrar en posicións defensivas preparadas. Cabe esperar reveses iniciais. Nesta fase tamén poden producirse as maiores perdas do bando ucraíno. Tamén destaca que é posible que o éxito ou o fracaso desta fase non se poña de manifesto ata dentro dalgún tempo e que non ofrecerá avaliacións en tempo real das operacións que realice Ucraína. As tropas seguen tratando de sorprender aos rusos sobre onde será o principal punto de acción.
0