O presidente Volodímir Zelenski acusou a Rusia de ser un país asasino e torturador. A ONU anunciou que enviará un equipo de forenses para investigar as supostas fosas comúns en Izium. Rusia nega a existencia destas. A pantasma das atrocidades de Bucha sobrevoa Izium. As tropas ucraínas atoparon máis de 400 tumbas nesta localidade da rexión de Járkov tras a retirada do Exército ruso. A maioría dos cadáveres corresponden a civís, moitos deles con signos claros de tortura. O Goberno ucraíno ha informado tamén que foron achadas cámaras de tortura en diferentes puntos de Izium. A Unión Europea di estar “profundamente conmocionada” tras o achado. A guerra de Rusia contra Ucraína “deixou un rastro de sangue e destrución. Miles de civís xa foron asasinados, moitos máis torturados, hostigados, agredidos sexualmente, secuestrados ou desprazados pola forza”, sinalou Borrell. A cidade de Izium, duns 45.000 habitantes antes da guerra e a uns 120 quilómetros ao sueste da capital rexional, Járkov, era dunha importancia crucial para as tropas rusas, que desde alí tiñan pensado lanzar a ofensiva final contra os baluartes ucraínos de Kramatorsk e Sloviansk na veciña rexión de Donetsk.
16