O deste venres foi un dos maiores ataques con mísiles de Rusia contra as infraestruturas críticas ucraínas. A sirenas antiaéreas soaron por todo o país. Non hai un balance de vítimas, aínda que o presidente ucraíno, Volodímir Zelenski, asegura que as hai. En Kiev, a capital, as estacións de metro volveron servir de refuxio. Kiev afirma que o inimigo lanzou polo menos 70 mísiles, dos que 60 foron derrubados. Dous deles atravesaron o espazo romanés e moldavo, segundo informa vía Twitter o comandante e xefe das Forzas Armadas de Ucraína, Valeriy Zaluzhnyi. Moldavia convocou ao embaixador de Rusia en Chisinau para manter conversacións. Para o presidente ucraíno, Volodímir Zelenski, trátase dun desafío á OTAN.