Ucraína desmente os ataques a civís en territorios rusos

Ucraína desmentiu as afirmacións do Kremlin sobre ataques das forzas ucraínas a pobos fronteirizos dentro de Rusia. O Servizo Federal de Seguridade declarou que as forzas rusas están a facer fronte aos saboteadores ucraínos na rexión. O secretario de prensa de Vladímir Putin, Dimitry Peskov, dixo que o presidente ruso estaba ao corrente da situación. Pero nun chío Mykhaïlo Podolyak, asesor do Presidente Volodímir Zelenski rexeitaba as afirmacións cualificándoas como unha «clásica provocación deliberada». Ao seu xuízo, Rusia quere «asustar ao seu pobo» para xustificar a súa invasión de Ucraína.