Operación “Gran de Ucraína”. O presidente Volodímir Zelenski lanzou esta iniciativa en Kiev para enviar toneladas de cereais aos países máis pobres de África con risco de fame negra e seca. Trátase dun plan humanitario do Programa Mundial de Alimentos da ONU, que conta coa axuda a Unión Europea polos chamados Corredores de Solidariedade. A UE custeará o transporte de 40.000 toneladas a uns cinco millóns de persoas en países como Sudán, Iemen, Quenia ou Nixeria de aquí á primavera de 2023. “Ucraína cumprirá as súas obrigacións de exportación ao mercado mundial en canto á subministración de gran e outros produtos agrícolas. Ucraína loita por salvar vidas tanto aquí como noutros países para que se liberen da escravitude e a fame”, declarou Zelenski, quen xa anunciou que un barco con 27.000 toneladas de trigo xa partiu cara a Etiopía. A operación coincide coa conmemoración do 90 aniversario da gran fame negra “Holodomor”, provocada pola Unión Soviética a principio dos anos 30.
0