33
O que quedaba do último reduto ucraíno en Mariúpol recibiu a orde de depoñer as armas, confirmaba Denis Prokopenko, comandante deste rexemento de elite que resistiu durante 86 cruentos días desde as galerías subterráneas da acería Azovstal os intensos bombardeos rusos. Por iso, o rexemento Azov confirma a súa rendición ao exército ruso. Kiev espera podelos intercambiar por prisioneiros rusos, pero Moscova ameazou con xulgar a algúns deles por crimes de guerra. As autoridades ucraínas aseguran que na ofensiva contra Mariúpol morreron polo menos 20.000 persoas e destruíuse o 90% da cidade.