0
O xefe da compañía de mercenarios Grupo Wagner, Yevgueni Prigozhin, anunciou o comezo do repregamento das súas unidades da cidade de Bajmut e o traspaso das súas posicións ás tropas do Exército ruso. “Retirámonos con moito coidado”, dixo Prigozhin nun vídeo publicado na súa canle de Telegram. O pasado día 21, ao anunciar a captura total de Bajmut tras case dez meses de combates, o líder dos wagneritas declarou que os seus efectivos, tras cumprir a súa misión, retiraríanse aos campos de adestramento en zonas da retagarda. Engadiu, en ton irónico, que deixa a dous wagneritas por se os militar necesitan axuda para defender as súas posicións.