As forzas rusas continúan bombardeando intensamente as posicións ucraínas en varios puntos de Donetsk, mentres tratan de gañar terreo ao longo da liña da fronte. Ucraína di que as súas unidades están a repeler os ataques, pero están a prepararse para unha nova escalada, unha posible ofensiva rusa este mes con motivo do primeiro aniversario da invasión. Segundo o presidente Volodímir Zelenski, xa hai moitos informes que apuntan a que os ocupantes están a tentar facer algo simbólico este mes de febreiro, tentando vingar as derrotas do ano pasado. Estas advertencias, en certo xeito parecen similares ás de xaneiro de 2022 cando os aliados occidentais advertían de que a invasión a gran escala era inminente. O Ministerio de Defensa ucraíno admite que para entón non chegaría todo o armamento occidental, pero as autoridades están convencidas de que Ucraína conta con reservas suficientes para conter ás forzas rusas.
29