O secretario xeral da OTAN, Jens Stoltenberg, anunciou este xoves que os aliados e os seus socios proporcionaron a Ucraína máis de 230 tanques e ao redor de 1.550 vehículos blindados para axudarlles a contrarrestar a ofensiva rusa e recuperar o seu territorio. Desde o inicio da ofensiva rusa en febreiro de 2022, os membros da OTAN tamén forneceron sistemas antiaéreos de defensa, artillería e avións de combate MIG-29 de fabricación soviética en poder de Polonia e a República Checa. Ademais, formaron a decenas de miles de militares ucraínos nos armamentos utilizados polos exércitos da OTAN. Jens Stoltenberg, tamén informou que as brigadas ucraínas que foron adestradas polos aliados nos últimos meses, están listas para o seu despregamento. Putin «non prevalecerá no campo de batalla», concluíu.