As autoridades ucraínas decretaron a evacuación obrigatoria de todos os nenos en dez localidades na fronte da rexión de Járkov, entre elas, o distrito de Kupiansk. As tropas de Moscova levan a cabo intensos ataques a diario para volver conquistar o territorio que tomaron ao principio da guerra. Pola súa banda, as forzas ucraínas seguen lanzando operacións ofensivas no oeste da rexión de Zaporiyia e estarían a avanzar marxinalmente nas inmediacións de Robotine, especificamente ao oeste de Verbove. Na última xornada, Kiev aseguraba que o inimigo perdeu máis de 800 soldados, 29 tanques e 30 sistemas de artillería. Ao mesmo tempo, o Ministerio de Enerxía de Ucraína volve denunciar os bombardeos preto da central nuclear de Jmelnitski, ao oeste do país.