O xefe ruso do Grupo Wagner, Yevgueni Prigozhin, ameaza con retirar o vindeiro mércores as súas unidades da cidade ucraína de Bajmut, na rexión oriental de Donetsk, debido á falta de munición e o gran número de baixas nas súas filas.
Nun vídeo publicado no seu Telegram, Prigozhin declarou «en nome dos combatentes de Wagner e do seu comandancia que o 10 de maio de 2023 estaremos obrigados a entregar as posicións na cidade de Bajmut ás unidades do Ministerio de Defensa e a recolocar aos mercenarios na retagarda para lamernos as feridas».
«Retiro as unidades do Grupo Wagner de Bajmut porque coa falta de municións están condenados a unha morte sen sentido», recalcou dirixíndose «ao xefe do Estado Maior, Valeri Guerásimov, ao ministro de Defensa, Serguéi Shoigú, ao comandante en xefe, Vladímir Putin, e ao pobo de Rusia».