O 9 de novembro finaliza o prazo para que persoas en desemprego se apunten á nova Lanzadeira Conecta Emprego de Carballo, un programa gratuíto de orientación laboral que lles axudará a reactivar a súa procura de traballo con novas técnicas e ferramentas, acordes ao novo mercado laboral.
Trátase dunha iniciativa da Fundación Santa María a Real e a Fundación Telefónica e que conta co cofinanciamento do Fondo Social Europeo a través do programa operativo POISES; e a colaboración da Xunta de Galicia.
Os seus participantes asistirán a sesións virtuais e presenciais; contarán co apoio e o asesoramento de técnicos especializados para aprender a realizar un itinerario integral de procura de emprego, actualización de currículo, simulación de entrevistas de traballo e contacto con empresas.
As persoas interesadas en participar neste programa, que en edicións anteriores rexistrou unha media dun 60% de inserción laboral, poden formalizar a súa inscrición na web www.lanzaderasconectaempleo.es, de forma presencial nas Oficinas de Emprego da Xunta ou solicitando cita previa no teléfono 012.
