A cidade rusa de Bélgorod, moi próxima á fronteira con Ucraína, espertouse cunha impresionante explosión que deixou en pleno centro da cidade un cráter de 20 metros diámetro. Moscova informaba pouco despois de como un dos seus avións de combate perdera unha rolda de municións ao sobrevoar o lugar. O Ministerio de Defensa ruso non deu máis datos do suceso, pero os expertos militares afirman que a arma era probablemente unha potente bomba de 500 quilogramos. A explosión causou numerosos danos materiais no barrio —xanelas rotas, coches esnaquizados e postes eléctricos derrubados—, deixando ademais tres feridos, entre eles dúas mulleres: unha delas foi hospitalizada cunha ferida na cabeza, mentres que outra foi atendida no lugar dos feitos. Afortunadamente non houbo ningún morto.
0