Un bombeiro resultou afectado cando traballaba na extinción dun incendio que mobilizou aos efectivos dos parques de Arteixo, Coruña e Betanzos.
O afectado foi trasladado consciente e estable, mentres os equipos continuaban no lugar debido ao intenso fume acumulado nas instalacións.
Ás 18:30 horas deste venres, varias persoas contactaron co 112 Galicia para dar conta dun incendio no soto dunha nave dedicada á venta de mobles rotulada como Jesús Babío, situada na Avenida das Mariñas, en Oleiros. A proximidade do aparcamento e o intenso fume acumulado motivou a mobilización de varias dotacións de bombeiros procedentes dos parques de Arteixo, Coruña e Betanzos, que permaneceron horas no lugar ata a completa extinción do incendio e a ventilación do espazo, aínda ateigado de fume.
Posiblemente, a intensidade da calor no interior do soto afectou a un dos membros do operativo, polo que foi evacuado ao Complexo Hospitalario Universitario da Coruña (CHUAC) para ser sometido a un recoñecemento médico.
Cómpre sinalar que os efectivos do servizo local de Protección Civil colaboraron neste operativo, ao igual que os axentes das Policías Local e Autonómica, 061 e axentes da Garda Civil de Tráfico