Un carballés de 18 anos deu positivo en drogas ao volante dúas veces no mesmo día

Un veciño de Carballo de 18 anos de idade viuse involucrado este venres pola mañá nun accidente de tráfico ao volante dun turismo BMW no termo municipal de Laxe, onde a autoridade actuante no sinistro lle practicou a proba de drogas con resultado positivo. Seis horas máis tarde esta mesma persoa foi identificada nun control rutineiro en Carballo e tras serlle practicada de novo a proba de consumo de substancias estupefacientes volveu a dar positivo, neste caso xa circulaba ao volante doutro turismo de alta gama.