O 112 Galicia tivo constancia do ocorrido ás 13:10 horas deste domingo, tras recibir a chamada dun particular que alertaba de que un ciclista se atopaba tendido na estrada, mentres varias persoas lle practicaban manobras de reanimación.
De inmediato, desde a sala de operacións do 112 Galicia informouse ao Servizo de Urxencias Sanitarias de Galicia-061, á Garda Civil, á Policía Local e aos efectivos de Protección Civil.
Nun primeiro momento, chegou a activarse o helicóptero medicalizado con base en Santiago, pero finalmente os servizos sanitarios confirmaron o falecemento do ciclista no lugar.
O suceso produciuse na estrada N-642, no punto quilométrico aproximado 29,5, ao seu paso polo lugar de Vilaronte.