Un ciclista faleceu este venres logo de sufrir un atropelo no quilómetro 9 da estrada LU-861, no concello lugués de Xermade. Foi concretamente na parroquia de Candamil, na vía que conecta coas Pontes. Ao parecer, o ciclista foi alcanzado por un vehículo que realizaba unha manobra de adiantamento. O falecido, veciño de Vilalba, circulaba acompañado por outro ciclista. Ata o lugar desprazáronse efectivos de Urxencias Sanitarias de Galicia-061, Garda Civil de Tráfico e AVPC de Xermade. O 112 recibiu o aviso as 11:20 da mañá. O sinistro produciuse nunha zona pola que transitan a diario numerosos afeccionados ao ciclismo, e de feito hai sinais que advirten diso os condutores. Trátase do quinto sinistro mortal que se produce neste concello lugués de Xermade só no que vai de ano, cun balance de seis falecidos. _Fonte_Axega.