Foi un particular quen chamou ao 112 Galicia para informar da caída dun ciclista. Aseguraba se trataba dun lugar de difícil acceso para a ambulancia, ao seu paso por Lampón, en Boiro.
Por iso, ao contactar co persoal do Servizo de Urxencias Sanitarias de Galicia-061, indicaron que o helicóptero medicalizado con base en Santiago de Compostela se desprazaba, neses intres, cara o lugar. De feito, a aeronave tomou terra no centro de saúde da localidade.
Finalmente, o vehículo sanitario puido chegar ata onde se atopaba o ciclista ferido, que o trasladou ata o centro de saúde e onde o agardaba a aeronave.
Ademais de informar do suceso ao persoal sanitario, os xestores do 112 puxeron os feitos en coñecemento dos Bombeiros de Boiro, da Garda Civil, da Policía Local e dos efectivos do Servizo Municipal e da Agrupación de Voluntarios de Protección Civil da localidade.